उपनिषदां माहात्म्यम्/मूलतत्त्वम्

 

SANS-H-CC-T-04

उपनिषदां  माहात्म्यम्/मूलतत्त्वम्

(रचना संस्कृत-भाषायां देवनागरीलिप्यां च लेखनीया|)

উপনিষদ্   শব্দস্যার্থঃ

    উপ-নি-উপসর্গদ্বয়-পূর্বকাৎ বিশরণ-গত্যবসাদনার্থ সদ্ ধাতোঃ ক্বিপ্ প্রত্যয়ে উপনিষদ্ শব্দঃ নিষ্পদ্যতে । তত্ত্বজ্ঞানার্থং গুরোঃ সমীপে  সবিনয়ং স্থিতিঃ উপনিষদ্ ইত্যুচ্যতে । এষা বিদ্যা ‘ব্রহ্মবিদ্যা’নাম্নাপি প্রসিদ্ধাস্তি । জগদ্গুরুঃ শঙ্করাচার্য  অবিদ্যানাশকং দুঃখচ্ছেদকং ব্রহ্মণোপলব্ধিং চেতি অর্থত্রয়মাশ্রিত্য উপনিষদ-শব্দস্য ব্রহ্মবিদ্যা দ্যোতকতাং প্রতিপাদয়তি । 

উপনিষদাং সংখ্যা

          যদ্যপি শতাধিকাঃ  উপনিষদ-গ্রন্থাঃ বর্তন্তে তথাপি উপনিষদাং বিষয়ে দশসংখ্যা অতীব মহত্ত্বপূর্ণা অস্তি । যথোক্তম্ -

“ঈষ-কেন-কঠ-প্রশ্ন-মূন্ড্য-মান্ডূক্য-তিত্তিরঃ।

ঐতরেয়ং চ ছান্দোগ্যং বৃহদারণ্যকং দশ”।।

            এতাসাং দশোপনিষদামুপোরি শ্রীশঙ্করাচার্যেণ ভাষ্যং কৃতম্ ।প্রত্যেকাঃ উপনিষদঃ কেনাপি বেদেন সহ সম্বন্ধযুক্তাঃ বর্তন্তে ।

উপনিষদাং মহত্ত্বম্ 

     উপনিষদাং প্রধানত্বেন প্রতিপাদ্যঃ বিষয়ঃ অস্তি আত্মা । ঈশোপনিষদি উক্তম্ –‘ঈশা বাস্যমিদং সর্বং যত কিঞ্চ জগত্যাং জগৎ’ । আত্মা তু সর্বব্যাপী । সংসারস্য যাবন্তো২পি সন্তি স্থূলা বা সূক্ষ্মাঃ পদার্থাঃ সর্বে২পি নাত্মনো ভিন্নাঃ ।তদুক্তং Winternitz   মহোদয়েন   “The entire thought of the Upanisad Philosophers revolve around the two conceptions of Brahman and Atman”.

ইয়মাত্মা ন প্রবচনেন  ন বা বেদাধ্যয়েন লব্ধুং শক্যঃ ।এতদ্বিষয়ে উপনিষদঃ কথনম্ -

“নায়মাত্মা প্রবচনেন লভ্যো ন মেধয়া ন বহুধা শ্রুতেন ।

যমবৈষ বৃণুতে তেন লভ্যস্তস্যৈব আত্মা বিবৃণুতে তনূং স্বাম্ ।।

উপনিষৎসু কর্মগতিরপি সবিস্তরং বর্ণিতো২স্তি । বর্তমানসময়ে জীবাঃ স্বকীয়ে জীবনে যাদৃশং কর্ম আচরন্তি ,তে ভাবিনিকালে তাদৃশমেব জীবনং লপ্স্যন্তে ।অতঃ সম্যগ্ বিচার্য নিষ্কামং কর্ম বিধেয়ম্ । নিষ্কামকর্মণা হি মুক্তির্ভবতি ।তদুক্তং গীতায়াম্ -

“তস্মাদসক্তঃ সততং কার্যং কর্ম সমাচর ।

অসক্তো হ্যচরন্ কর্ম পরমাপ্নোতি পুরুষঃ”।।

উপনিষদাং প্রতিপাদ্য বিষয়ঃ

      উপনিষৎসু জীব- ব্রহ্ময়োঃ ঐক্যং প্রতিপাদিতমস্তি ।উপনিষদঃ প্রধানতয়া বর্ণিতাঃ বিষয়াঃ ১)ব্রহ্ম কিম্ ? ২) তস্য স্বরূপং কিম্ ? ৩)ইয়ং সৃষ্টিঃ কুতঃ আয়াতঃ ?৪)জীবাত্মনঃ স্বরূপং কিম্ ? ৫)আত্মা চেতনো২চেতনো বা ? ৬)অধ্যাত্মেন কিং সাধ্যতে ? ৭) ব্রহ্মসাক্ষাৎকারস্য কে লাভাঃ ?-ইত্যাদয়ঃ । উপনিষৎসু  ন হি দুঃখতত্ত্বম্ অপিতু আনন্দতত্ত্বং প্রতিপাদিতম্ । শোপেনহাওয়ারমহোদয়ঃ উপনিষদি প্রশান্তিং প্রাপ্য অবদ‍‌ৎ - “It has been the solace of my life and will be the solace of my death”.

              বেদান্তেষু তথা উপনিষৎসু ব্রহ্মতত্ত্বং মূর্ধ্যনি বর্ততে । অনেন ব্রহ্মতত্ত্বেন জীবঃ মুক্তিং লভতে । তদা সাধকস্য এবমনুভূতির্ভবতি যত –‘অয়মাত্মা ব্রহ্ম’,’অহং ব্রহ্মাস্মি’, ‘সো২হং ব্রহ্ম’  ইত্যাদয়ঃ ।কঠোপনিষদি ব্রহ্মপ্রাপ্তেঃ সাধনং বর্ণয়িত্বা আহ-

“আত্মানং রথিনং বিদ্ধি , শরীরং রথমেব তু ।

বুদ্ধিং তু সারথিং বিদ্ধি ,মনঃ প্রগ্রহমেব চ ।।

ইন্দ্রিয়ানি হয়ানাহুর্বিষয়াংস্তেষু গোচরান্ ।

আত্মেন্দ্রিয়মনোযুক্তং ভোক্তেত্যাহুর্মনীষিণঃ ।।

উপসংহারঃ 

        উপনিষদঃ প্রতিপাদ্যবিষয়ঃ যথা আত্মা তদৈব ভারতস্য আত্মা অপি উপনিষদ্ ।ইয়ং পরাবিদ্যা ভারতীয়-অধ্যাত্মসাহিত্যস্য রত্নম্ । উপনিষদাং মহত্ত্বং ন কেবলং ভারতীয়ৈঃ ,অপিতু পাশ্চাত্য মনীষিভিঃ স্বীক্রিয়তে ।অতঃ বিশ্ব সভায়াং ভারতস্য গৌরববর্ধনায় অস্মাভিরপি উপনিষদাম্ অধ্যায়নং কর্তব্যমিতি শম্ । 

------------